ერთერთ თქვენს უშუალოდ დაქვემდებარებულ მუშაკს სურს მეტი ფული. ის ამბობს, რომ მას სრულად არ უხდიან. ან ის ფიქრობს, რომ ის ასრულებს უფრო მეტ სამუშაოს, ვიდრე ითვალისწინებს მისი თანამდებობა. ორგანიზაციის ბიუჯეტის მიუხედავად, მენეჯერებისათვის ეს რთული სიტუაციაა. როგორი უნდა იყოს თქვენი რეაგირება?

რას ამბობენ ექსპერტები

იმისდა მიუხედავად, თუ ვისგან მოდის ასეთი თხოვნა, ის თქვენ საგონებელში ჩაგაგდებთ. ასე მოსდის ხელმძღვანელთა დიდ ნაწილს, ამბობს დიკ გროტი, წარმადობის მართვის კონსულტანტი და ავტორი წიგნისა  «How to Be Good at Performance Appraisals». კარენ დილონი, ავტორი  «HBR Guide to Office Politics»–ისა თვლის, საკითხი ხელფასის თაობაზე არასოდეს არ იქნება ადვილი. „როგორც მენეჯერი, თქვენ, ერთის მხრივ, პასუხს აგებთ იმაზე, თუ რამდენს უხდიან ადამიანებს, და თუ რამდენად სამართლიანია“, ამბობს ის. „მაგრამ, მეორეს მხრივ, დანამატი ხელფასზე იშვიათად არის დამოკიდებული თქვენზე – არსებობს კიდევ უამრავი რამ, რომლებიც თქვენ უნდა გაითვალისწინოთ. გარდა ამისა, ასეთ გადაწყვეტილებას ყოველთვის თან ახლავს უამრავი შედეგი“. აი, თუ როგორ უნდა დაგეგმოთ სწორად საუბარი, რათა მიიღოთ საუკეთესო შედეგი თქვენთვის მუშაკისა და კომპანიისათვის.

არ უპასუხოთ მაშინვე

თუ თქვენ გავხართ ადამიანთა უმრავლესობას, თქვენ მაშინვე მოგინდებათ უპასუხოთ, იმსახურებს თუ არა მუშაკის დანამატს ხელფასზე. მაგალითად: „რასაკვირველია, თქვენ ეს დაიმსახურეთ!“ ან „თქვენ ხომ არ გაგიჯდით!“. მაგრამ, უმჯობესია რომ ენა მოიკვნიტოთ. „სინამდვილეში, თქვენ ამ მომენტში  თქვენ ცოტა რამის თქმა თუ შეგიძლიათ, ამბობს გროტი. „არავის არ მოუტანს სარგებლობას თქვენი „არა“, მაგრამ, „კის“ სათქმელად თქვენ, უპირველესად, უნდა ჰკითხოთ რჩევა თქვენს უფროსობას“. არ აყვეთ სურვილს უპასუხოთ მსგავსად „ეს მე არ მეხება“ ან „ამას მე არ ვწყვეტ“. ასე თქვენ მხოლოდ დააკნინებთ თქვენს ავტორიტეტს. ასევე მნიშვნელოვანია აკონტროლოთ თქვენი სახის გამომეტყველება და ტანის ენა, ასევე საკუთარი სიტყვები. „ეცადეთ, რომ არ გამოიყურებოდეთ ბოროტად, გაღიზიანებულად, თუნდაც თქვენ სავსე იყოთ ასეთი გრძნობებით“, ამატებს დილონი.

მოითხოვეთ მეტი ინფორმაცია

მიუხედავად იმისა, იმსახურებს თუ არა მუშაკი დანამატს, თქვენ ცნობისმოყვარეობით უნდა უპასუხოთ მის თხოვნას. გროტი გვთავაზობს მარტივი წინადადების გამოყენებას“ „მიმყევით უფრო მეტი ამის შესახებ“. თქვენ ასე აჩვენებთ, რომ სერიოზულად ეპყრობით მის თხოვნას. და კიდევ< თქვენ შეძლებთ მეტი ინფორმაციის მიღებას იმის თაობაზე, თუ რა დგას ამის უკან. ჩაიწერეთ ის, თუ რას მოგითხრობთ თქვენი მუშაკი – თქვენ ამითაც აჩვენებთ, რომ სერიოზულად ეპყრობით მის თხოვნას. ასევე დაუსვით დამატებითი კითხვები საჭიროების მიხედვით. თქვენი მიზანი – მეტი ინფორმაციის მიღება, რომელიც თქვენ დაგეხმარებათ იმის გაგებაში, თუ რამდენად არის დასაბუთებული დანამატის მოთხოვნა. შემდეგ, დინჯი ტონით აუხსენით, რომ განიხილავთ მის თხოვნას:  „მადლობთ, რომ თქვენ მიაქციეთ ამას ყურადღება. მე დაწვრილებით შევისწავლი თქვენს საკითხს, და ორი კვირის შემდეგ ჩვენ მას კვლავ დავუბრუნდებით“. თქვენ გსურთ მაქსიმალურად მეტი დროის მოგება, რათა ჩაატაროთ საკუთარი კვლევა და განიხილოთ ეს საჭირო ხალხთან ერთად.  

აღიარეთ ადამიანის სიმამაცე

ემოციურად ეს არ არის ადვილი საუბარი“, ამბობს გროტი. „თქვენ უხერხულად გრძნობთ თავს, ხოლო მუშაკი ხუთჯერ უფრო მეტად“. ადამიანი ბევრს ფიქრობდა და განიცდიდა, სანამ თქვენ მოგმართავდათ. და ამიტომ, ამბობს დილონი, იმისდა მიუხედავად, თუ რამდენად „არ იმსახურებს“  ადამიანი ამ სახელფასო დანამატს, ის ძალზე მოწყვლადია ამ მომენტში. ამიტომ, თქვენ თუნდაც გაღიზიანებულიც რომ იყოთ, აღიარეთ, რომ ის? თუ რას აკეთებს მუშაკი, მოითხოვს სიმამაცეს. „ადამიანი გაძლევთ თქვენ შესაძლებლობას შეინარჩუნოთ ასეთი ღირებული მუშაკი, იმის მაგივრად, რომ გაიჯახუნოს კარები და იშოვოს სხვა სამუშაო“, ამბობს გროტი. და თქვენ ამისათვის „მადლიერი უნდა იყოთ“.

იკითხეთ ხაზებს შორის

„ყველა ადამიანს როდი შეუძლია პირდაპირ თქვას, რომ სურს ხელფასის მომატება. მათ შეუძლიათ მიგანიშნონ იმაზე, თუ რა მძიმეა მათი სამუშაო, და ისც ახსენონ, რომ მათ დაურეკა ხედხანტერმა“, გვაფრთხილებს დილონი. სერიოზულად მოეპყარით ასეთ სიგნალებს.  ზოგიერთი ადამიანი ვერც კი ბედავს ბოლომდე რაღაცის თქმას  (და ქალები მამაკაცებზე უფრო იშვიათად ლაპარაკობენ მომატებაზე), ამიტომ, იყავით ყურადღებით, რადგანაც თქვენ არ გსურთ ღირებული კადრების დაკარგვა. „ძალზე მნიშვნელოვანია ამ მინიშნებებისათვის ყურადღების მიქცევა, და შეგიძლიათ კიდეც დამატებითი კითხვების მიცემა, განსაკურებით, თუ თქვენ ფიქრობთ, რომ ადამიანს სურს წასვლა“, ამბობს ის.   ერთხელ დილონის ერთერთი თანამშრომელი სამსახურში გამოცხადდა კოსტუმსა და ჰალსტუხით (თუმცა ის, ჩვეულებრივ სხვანაირად იცვამდა). მან სცადა ტავის გამართლება, მაგრამ დილონმა იცოდა, რომ ის იყო გასაუბრებაზე. „ამან მაიძულა მე მეფიქრა იმაზე, თუ რა უნდა გავაკეთო მე, რომ დავაკავო ის ჩვენს კომპანიაში. და მე მას ხელფასი გავუზარდე“, ამბობს ის.

შეაფასეთ არგუმენტები

მას შემდეგ, რაც თქვენ დაასრულეთ თავდაპირველი საუბარი, თქვენ უნდა ჩამოყალიბდეთ, თუ რა უნდა აკეთოთ შემდგომ. თუ ადამიანი, რომელმაც მოგმართათ  თქვენ შესაბამისი თხოვნით,  შეძლებს იმის ჩვენებას, რომ მისი ხელფასი არ შეესაბამება იმას, თუ რასაც იმსახურებს (მისი მუშაობის წყალობით), თქვენ უნდა მიაქციოთ ამას ყურადღება. იფიქრეთ სამართლიანობაზე ორგანიზაციის შიგნით (იღებს თუ არა ის სამართლიან ხელფასს, თუ შევადარებთ მის კოლეგებს?) და შრომის ღია ბაზარზე (რამდენს იღებს ადამიანი ანალოგიურ თანამდებობაზე სხვა კომპანიაში?). შეაგროვეთ რაც შეიძლება მეტი ინფორმაცია ხელფასების შესახებ თქვენს ინდუსტრიაში. დილონი ამბობს, რომ თქვენ ასევე უნდა განიხილოთ საკითხი, თუ რამდენად არის ღირებული ეს ადამიანი ღირებული თქვენთვის, თქვენი გუნდისათვის და კომპანიისათვის. „იფიქრეთ მოცემული ადამიანის კარიერის ტრაექტორიაზე. თქვენ გსურთ მათი დაჯილდოება და წინ წაწევა მიღწევებისათვის, მაგრამ, იმავდროულად, უტოვებთ სტიმულს საკუთარი თავის გასაუმჯობესებლად“, ამბობს ის.

იცოდებთ ლიმიტები
ზოგი არგუმენტი ხელფასის გაზრდის სასარგებლოდ უბრალოდ ვერ უძლევს ვერანაირ კრიტიკას. „ეს არ უნდა იყოს იმიტომ, რომ ადამიანს სჭირდება უფრო მეტი ფული, ან ის თვლის, რომ ის არის საუკეთესო ადამიანი განყოფილებაში“, ამბობს გროტი. და ეს თხოვნა არ უნა ეფუძნებოდეს ხანმოკლე ძალისხმევას.   „უბრალოდ, იმის გამო, რომ ვიღაცამ წარმატებას მიაღწია პროექტში, არ ნიშნავს, რომ ის უფო მეტის ღირსია. არ აურიოთ ერთმანეთში გმირული სპრინტი  თანმიმდევრულ მაღალ წარმადობასთან ხანგრძლივი დროის განმავლობაში“, ამბობს დილონი. რასაკვირველია, ასეთი მუშაობა მართლაც იმსახურებს ჯილდოს და აღიარებას, მაგრამ თქვენ შეგიძლიათ მისცეთ ერთჯერადი ბონუსი, ან მისცეთ ადამიანს საშუალება მონაწილეობა მიიღოს პრესტიჟულ კონფერენციაში, ან მისცეს დამატებითი გამოსასვლელი დღეები. არსებობს ინსტრუმენტების დიდი რაოდენობა, რომელთა დახმარებითაც თქვენ შეგიძლიათ უთხრათ თანამშრომელს: „მე თქვენ გაფასებთ“.

თქვენ ასევე უნდა იქონიოთ მხედველობაში, რომ არსებობს ზღვარი იმისა, თუ რამდენი შეგიძლიათ გადაუხადოთ ადამიანს გარკვეულ თანამდებობაზე. „ყოველ სამუშაოს თავისი ღირებულება აქვს, შემსრულებლის მიუხედავად. თუ ადამიანს სურს მეტი ფულის გამომუშავება, უმჯობესია, რომ თავის თავზე აიღოს სამუშაოს სხვა სახეობა – იდეალში, თქვენს ორგანიზაციაში“, ამბობს გროტი. ს

დაელაპარაკეთ საჭირო ხალხს.

დაელაპარაკეთ თქვენს ხელმძღვანელობას და HR-ს, რათა მიიღოთ მეტი ინფორმაცია კომპენსაციის სისტემაზე თქვენს ორგანიზაციაში და იმის თაობაზე, თუ რამდენად სამართლიანია კონკრეტული მუშაობის ანაზღაურება. მაგალითად, თქვენ შეგიძლიათ უთხრათ: „მე ველაპარაკე შონს და მან მთხოვა მომატება. მე ვუთხარი, რომ მე მჭირდება ამ საკითხის უფრო დაწვრილებით შესწავლა და ისიც, თუ რამდენად დასაბუთებულია  მისი თხოვნა. იმედი მაქვს, რომ თქვენ მე ამაში დამეხმარებით“.

გროტი ამბობს, რომ ამით „თქვენ არ აკისრებთ პასუხისმგებლობას ექსპერტს, რომელიც გეტყვით თქვენ, თუ რამდენად მიზანშეწონილია ესა თუ ის ნაბიჯი“. მაგრამ იყავით მზად იმისათვის, რომ თქვენ შეიძლება ვერც მიიღოთ პირდაპირი პასუხი. გროტი ამბობს, რომ ბევრ მსხვილ კორპორაციაში არსებობს ასეთ სიტუაციებში მოქმედებების მკვეთრი ალგორითმი. ზოგიერთ კომპანიაში არ არის ეიჩარიც კი, და ამის გამო ყველაფერი ეყრდნობა მენეჯერის მხრებს.

ხელი შეუწყ ეთ და  დაეხმარეთ

„თუ თქვენ გყავთ კარგი მუშაკი, და თქვენ გსურთ მისი შენარჩუნება, თქვენ მას უნდა დაეხმაროთ“, ამბობს გროტი. დილონი აღნიშნავს, რომ ეიჩარები ადვილად ამბობენ „არას“ ასეთ შემთხვევებში,  იმიტომ, რომ მათ არ იციან ეს ისე, როგორც იცით თქვენ. დაეხმარეთ მათ თქვან „კი“, ამ წლების განმავლობაში მე ვისწავლე არ გამოვიყენო სიტყვა „არა“ პასუხის სახით. მე გამოვიყენენე კრეატიული მიდგომა და ვპოულობდი  ფულს მოსამატებლად“, ამბობს ის. შეიარაღდებით რა არგუმენტებიანი ჩანაწერებით, რომლებსაც თქვენ გამოიყენებთ, ძალზე მკაფიოდ ჩამოაყალიბეთ საკითხის არსი. „მათ უნდა სჯეროდეთ, რომ ეს არის ობიექტური გადაწყვეტილება თქვენი მხრიდან, და რომ თქვენ არ აპირებთ დაბრუნდეთ მეორე დღეს და მოითხოვოთ ხელფასის გაზრდა გუნდის სხვა წევრისათვის“, ამბობს დილონი.

როგორ უნდა აცნობოთ კარგი ახალი ამბავი

თუ თქვენ შეგიძლიათ დახმარება ხელფასის მომატებაში, თქვენ გაგიჩნდებათ ცდუნება დაბრუნდეთ უკან და თქვათ: „მე კარგი ამბები მაქვს! ან „თქვენ მართალი ხართ – თქვენ არ გიხდიან სრულად“. შემდეგ ჩეკში თანხა იქნება მეტი“. დილონი და გროტი ამბობენ, რომ ეს იქნება შეცდომა თქვენი მხრიდან. თუ მუშაკები გაიგებენ, რომ მომატების მისაღებად საჭიროა მხოლოდ თხოვნა, მაშინ თქვენა კართან რიგი გაიჭიმება. ამის მაგივრად, აუხსენით, რომ თქვენ განიხილეთ მოთხოვნა მომატების თაობაზე ეიჩართან და მენეჯერთან და ყოველმა მათგანმა დაწვრილებით შეისწავლა თქვენი საკითხი, და თქვენ მიიღეთ კოლექტიური გადაწყვეტილება ამ მუშაკისათვის ხელფასის მომატებაზე. „ბოლოს და ბოლოს? თქვენ ხომ გსურთ, რომ ადამიანმა შეიგრძნოს, რომ მან ეს მიიღო თავისი სამუშაოს წყალობით, და არა იმიტომ, რომ მან უბრალოდ მოითხოვა მეტი ფული“, ამბობს გროტი. ბოლოს და ბოლოს, ამბობს დილონი, არსი იმაშია,  რომ „დაეხმაროთ მათ გაიზარდონ და გააგრძელონ კომპანიის ღირებულების გაზრდა“.

როგორ უნდა აცნობოთ ცუდი ამბავი

თუ თქვენ არ შეგიძლიათ დაეხმაროთ ხელფასის მომატებაში, უთხარით პირდაპირ: „მე ცუდი ამბავი მაქვს თქვენთვის“. გროტი გვირჩევს მოუყვეთ მუშაკს იმის შესახებ, თუ რომელი კვლევა ჩაატარეთ თქვენ, HR–მა ან თქვენმა ბოსმა, რათა ადამიანმა გაიგოს, რომ მის თხოვნას სერიოზულად მიუდგნენ: ჩვენ შევადარეთ თქვენი ხელფასი იმ ადამიანების ხელფასებს, რომლებიც მუშაობენ ჩვენს კომპანიაში და საგარეო ბაზარზე, და მივედით დასკვნამდე, რომ ის სამართლიანია თქვენი თანამდებობისათვის. აქედან გამომდინარე, ჩვენ არ შეგვიძლია თქვენთვის ხელფასის გაზრდა“. სცადეთ მათთვის ამ პროცესის დემისტიფიცირება.  „ადამიანთა უმრავლესობისათვის კომპენსაცია – ეს შავი ყუთია“., გვიხსნის გროტი. „თქვენ გაუწევთ დიდ სამსახურს თქვენს ხალხს, თუ მოუყვებით, თუ როგორ მუშაობს ეს ჩვენს კომპანიაში“. იმავდროულად, დახარჯეთ მაქსიმალური ძალისხმევა, რომ მათ არ იგრძნონ თავი ცუდად, როდესაც ითხოვენ ხელფასის მომატებას, გვირჩევს დილონი. და არ ილაპარაკოთ ნეგატიურად ადამიანზე ან მის შრომის ნაყოფიერებაზე.

როდესაც თქვენ არ ხარ თანახმა ...

ძალიან რთულია უთხრა ადამიანს, რომ ვერ მიიღებს დანამატს ხელფასზე, განსაკუთრებით მაშინ, თუ თქვენ არ ეთანხმებით ასეთ გადაწყვეტილებას. თქვენ შეგიძლიათ კვლავ მიმართოთ ხელმძღვანელობას და კიდევ ერთხელ აუხსნათ, თუ რატომ ფიქრობთ, რომ ხელფასის გაზრდა არის დამსახურებული და თხოვოს მას დაგეხმაროთ გაგიგოთ, თუ სად უშვებთ შეცდომას. თუ კი მენეჯმენტი დარჩება ურყევი, თქვენ არაფერი არ გრჩებათ, გარდა იმისა რომ შეეგუოთ და აცნობით ცუდი ამბავი თქვენს ხელქვეითს. „როგორც ხელმძღვანელს, თქვენ ყოველთვის გექნებათ საქმე იმედგაცრუებულ ხალხთან. და არ ეცადოთ გადააბრალოთ ყველაფერი თქვენს „ცუდ“ ბოსებს. აუცილებლად გაუსვით ხაზი, თუ რამდენად აფასებთ ადამიანს და მსი წვლილს, რათა მან მიიღოს მოტივაცია საკუთარ სამუშაო ადგილზე დასაბრუნებლად  და შეასრულოს მის წინაშე დაყენებული საკითხები.

აჩვენეთ გზა წინ

თუ თქვენ უარი გითხრეს თხოვნაზე, შეეცადეთ აუხსნათ ადამიანს, რომ მას შეუძლია გაზარდოს თავისი ფასი, რათა მიიღოს დანამატი მომავალში. „ეს უნდა იყოს კონკრეტული ნივთები, რომლებიც უნდა გააკეთოს ადამიანმა შემდეგი ექვსი თვის განმავლობაში, რათა კვლავ დაუბრუნდეს ამ საუბარს“, ამბობს დილონი. არ მისცეთ არანაირი დაპირება, მაგრამ იყავით თანმიმდევრული თქვენს მოქმედებებში. დილონ ყველა, რომ ერთხელ ის დაპირდა ერთერთ თავის საუკეთესო მუშაკს დაბრუნებოდა საკითხს მისი ხელფასის მომატების თაობაზე სამი თვის შემდეგ, მაგრამ სრულიად დაავიწყდა ეს. „ოთხნახევარი თვის შემდეგ  მან მე მითხრა, რომ მიდის სხვა სამუშაოზე. მე შევეცადე გამეკეთებინა ყველაფერი შესაძლებელი მის დასარჩენად, მაგრამ უკვე ძალზე გვიან იყო“, ამბობს ის.

წესები, რომლებიც უნდა დაიმახსოვროთ

თქვენ უნდა:

·         ადამიანს უნდა მოეპყროთ პატივისცემით მთელი პროცესის განმავლობაში, თუნდა რომ ფიქრობდეთ, რომ ის არ იმსახურებს ხელფასის მომატებას.

·         აღიაროთ მისი მამაცობა, როდესაც ის თქვენ ასეთი თხოვნით მოგმართავთ.

·         „მიაწვეთ“ თქვენს ხელმძღვანელს ან ეიჩარს, რომ მათ მოუმატონ ხელფასი ადამიანს, რომელიც, თქვენის აზრით, ამას იმსახურებს.  

არ ღირს:

·         მაშინვე თქვათ „კი“ ან „არა“. ამის მაგივრად მოსთხოვეთ წარმოგიდგინოთ თქვენ უფრო მეტი ინფორმაცია. 

·         დააკმაყოფილოთ თხოვნა ისე, რომ არ გაუსვათ ხაზი, რომ დანამატი არის დამსახურებული და რომ თქვენ უფრო მეტს მოელით ამ ადამიანისაგან. 

·         გაამტყუნოთ ხელმძღვანელობა. აიღოთ პასუხისმგებლობა საკუთარ თავზე, თუნდაც არ ეთანხმებოდეთ მის გადაწყვეტას.

მაგალითი  N1: როგორ უნდა ახსნათ უარის თქმის მიზეზები

კარლ სამსონი მუშაობს მენეჯერად სამშენებლო კომპანიაში მინეაპოლისში. ტოდი, მისი თანამშრომელი, მუშაობდა სამუშაოთა მწარმოებლად მცირე ობიექტებზე, მაგრამ ის დაინტერესებული იყო უფრო მნიშვნელოვანი როლის მიღებით.  „ის პერიოდულად მახსენებდა მე, რომ ეს არ იყო მისი უნარების საუკეთესო გამოყენება“, იხსენებს კარლი. „ცხადი იყო, რომ მას არ სურდა ამ თანამდებობაზე სამუდამოდ დარჩენა“. ასე, როგორც კი განთავისუფლდა ბრიგადირის თანამდებობა, კარლმა იჩქარა მისი ტოდისთვის შეთავაზება. ეს იყო მსგავსი სამუშაო, და ამიტომ კარლმა გადაწყვიტა, რომ ტოდისთვის ხელფასის გაზრდა არ არის საჭირო. და როდესაც მან შესთავაზა ეს ბრიგადირის თანამდებობა, ტოდმა თქვა, რომ უკვე იყო რამდენიმე გასაუბრებაზე და მიიღო სამი კარგი შეთავაზება სამუშაოს თაობაზე.  „მას არ დაუსახელებია ზუსტი თანხა, მხოლოდ ის, რომ მას სთავაზობენ უფრო მეტ ფულს და მას სურს დარწმუნებული იყოს, რომ მას აფასებენ ჩვენს ფირმაში“, განმარტავს კარლი. „მე მას ვუთხარი: „თუ თქვენ გსურთ დაასახელოთ კონკრეტული თანხა, მე სიამოვნებით განვიხილავ თქვენს თხოვნას და შევეცდები თქვენს დახმარებას“.

 ტოდმა მთხოვა მისთვის 6 ათასი დოლარის დამატება, მაგრამ კარლს მაშინვე არ გამოუხატავს რეაგირება. თუმცა კი ხელფასის გაზრდა მის კომპეტენციაში მისი კომპეტენცია იყო, მას სურდა, რომ ის მიღებული ყოფილიყო კომპანიის პრეზიდენტ სემთან ერთად. ამ დისკუსიის მიმდინარეობისას, მისი აზრით, ტოდს ეს დამსახურებული ჰქონდა, იმის გათვალისწინებით, რომ მისი მოვალეობების წრე გაიზარდა, და ბიუჯეტი იძლევა მისთვის ხელფასის გაზრდის შესაძლებლობას.

მაგრამ სემი ყოყმანობდა. „მისი აზრით, ხელფასის გაზრდა იყო უადგილო იმ დროისათვის“, იხსენებს კარლი. პრეზიდენტ სურდა, რომ ტოდს გადაეხედა თავისი თხოვნისათვის და მიმართა პირდაპირ მას, რომ მას განემარტა სიტუაცია.

სემთან საუბრის შემდეგ ტოდი დათანხმდა უარი ეთქვა  თავის თხოვნაზე და დარჩა კომპანიაში უფო მეტად იმის გამო, რომ მას შესთავაზეს შეღავათები და დამატებითი შესაძლებლობები კარიერული ზრდისათვის.  კარლი იმედოვნებს, რომ შეძლებს თავისი ბრიგადირისათვის ხელფასის მოგვიანებით გაზრდას. ისინი ახლა ერთად კარგად მუშაობენ. „ჩვენ ბევრი ვისაუბრეთ მის მნიშვნელობაზე. სჩანს, რომ ის აპირებს დარჩენას“. 

მაგალითი N 2: დაწინაურება ჯილდოს სახით

ფილ ბრუქსი არც ისე დიდი ხნის წინ სათავეში ჩაუდგა პატარა ტექნიკური კომპანიის 35 კაციან განყოფილებას. როდესაც მან ჰკითხა ერთერთ თანამშრომელ ქალს მისი სამუშაოს შესახებ, „მან თითქოსდა სხვათა შორის უპასუხა, რომ მას არ უხდიან საკმაოდ და უფრო მეტად ტვირთავენ სამუშაოთი“, ამბობს ფილი. 

რადგანაც ის იყო ერთერთი საუკეთესო მუშაკი, მან უთხრა, რომ დაიწყებდა მისი სიტუაციის შესწავლას. მან შეადარა ამ ქალის და მისი კოლეგების ხელფასი, ასევე შეისწავლა, თუ რამდენს უხდიან სხვა კომპანიები თანამშრომლებს ასეთ თანამდებობზე. და მაშინვე აღმოაჩინა, რომ შერილს  ნამდვილად არ უხდიან სრულად.  „გასაგები გახდა, რომ საჭირო იყო მისი ხელფასის კორექტირება. მას შეეძლო წასულიყო, მისი სამუშაოთი დატვირთვის გათვალისწინებით“, ამბოს ის.

ამ კომპანიაში გადაწყვეტილებებს ხელფასის თაობაზე იღებდნენ აღმასრულებელი დირექტორი, ფინანსური დირექტორი და დირექტორი პერსონალის საკითხებში – და ისიც მხოლოდ შრომის ნაყოფიერების მიმოხილვისას წლის ბოლოს. მაგრამ, ფილის აზრით, მას ჰქონდა სერიოზული არგუმენტები შერილისათვის ხელფასის გასაზრდელად. „ეს იქნებოდა რთული მოლაპარაკებები, მაგრამ ჩვენ არ შეგვიძლია ლოდინი“.  მას უნდოდა მიეცა შერილისათვის უფრო მაღალი თანამდებობა მის მიერ შესრულებული სამუშაოს მნიშვნელობის აღიარების სახით – მას უკვე ყავს 10 ხელქვეითი.

ფილი ახალბედა იყო, ამიტომაც ის დაელაპარაკა სხვა მენეჯერებს იმის გასარკვევად, ტუ რომელიც იმ სამი გადაწყვეტილების მიმღები პირიდან იქნებოდა მის მხარეზე. ეს იყო აღმასრულებელი დირექტორი. აი სწორედ მისგან დაიწყო ფილმა. მათ ერთად შეძლეს დაერწმუნებინათ დანარჩენი მმართველებიც. როდესაც ფილმა აცნობა შერილს კარგი ახალი ამბავი, მას ასევე სთხოვა კარგად დაფიქრებულიყო იმაზე, თუ როგორ შეძლებდა თავისი შრომის ნაყოფიერების გაზრდას: არ იმუშაოს მეტი, მაგრამ მართოს უკეთესად; დელეგირება გაუკეთოს თავის მოვალეობებს და მეტად ენდოს თავის გუნდს. ის აღტაცებული იყო ასეთი წინადადებით და დათანხმდა ემუშავა თავისი უნარების გასაუმჯობესებლად.

საკვანძო სიტყვები:  ხელფასის გაზრდა