ლონდონში გაიხსნა ევროპაში პირველი თვითმომსახურების ავტოფარეხი. ახლა ინგლისის დედაქალაქისა და მისი გარეუბნების მცხოვრებთ გაუჩნდათ საშუალება თვითონ შეაკეთონ მანქანა. ადრე ამის გაკეთება თითქმის შეუძლებელი იყო, განსაკუთრებით ბინიანი სახლების მაცხოვრებლებისათვის, საკუთარი ავტოფარეხის გარეშე.
ავტოფარეხი აღჭურვილია ყველა საჭირო ინსტრუმენტებითა და ამწევებით. რემონტის სახეობის მიხედვით, კლიენტს სთავაზობენ გარაჟში შესაბამის ადგილს ან ამწევს. ავტოფარეხში სულ 20 სადგომია და 6 ამწევი. ყველა ინსტრუმენტი უფასოა. თუმცა, ფარეხში იყიდება ზეთი, სამუხრუჭე სითხე და მანქანის სხვა ზეთები. თუ კლიენტს დასჭირდება რაიმე დეტალი მაშინ Pit Start სთავაზობს მის სწრაფად მიწოდებას.
ამ ავტოფარეხში შეიძლება ყველა სახის ავტომანქანის შეკეთება, სატვირთოების ჩათვლით. Pit Start-ისათვის ხელმისაწვდომია რემონტის ყველა სახეობები სამღებრო და შესადუღებელი სამუშაოების გარდა. Pit Start-ის ავტოფარეხში ადგილის ფასია 10 გირვანქა საათში, ხოლო ამწიანი ადგილის - 20 გირვანქა და ის ღიაა 24 საათი დღეღამეში გამოსასვლელი დღეების გარეშე.
